Table of Contents
राज्यात अलीकडच्या काळात महिला अत्याचाराच्या घटना सातत्याने समोर येताना दिसत आहे. आज इथे तर उद्या तिथे सतत बलात्काराच्या घटना राज्यात घडत आहेत. अलीकडेच ठाण्याच्या बदलापूर (Badlapur) भागातून शाळेच्या एका सफाई कामगाराने दोन ४ वर्षाच्या मुलींवर लैंगिक अत्याचार केल्याची घटना समोर आली होती. या अत्याचाराचा निषेध म्हणून बदलापूरमध्ये मोठ्या संख्येने लोकांनी एकत्र येत तीव्र आंदोलन केले होते.
तसेच या प्रकरणाची महाराष्ट्रातील अनेक नेत्यांनी दखल घेतली होती. विरोधक आणि सत्ताधारी यांच्यात या प्रकरणी आरोप-प्रत्यारोपांचे सत्र देखील सुरू झाले. अशातच महाविकास आघाडीनेसुद्धा या विरोधात महाराष्ट्रव्यापी बंद पुकारण्याचे आवाहन केले. पण, न्यायालयाने त्यांच्या या बंदला बेकायदेशीर ठरवले. त्याचप्रमाणे महाविकास आघाडीच्या या निर्णयानंतर सत्ताधारी तसेच महाराष्ट्रातल्या अनेक नेत्यांनी त्यावर टीका केली. अशातच आता मनसे प्रमुख राज ठाकरे (Raj Thackeray) यांनीही या प्रकरणी आपले मत व्यक्त केले आहे. नागपुरात पत्रकार परिषदेत बोलत असताना राज ठाकरेंनी त्यांचे हे मत मांडले आहे.
बदलापूर प्रकरण उजेडात आल्यानंतर महाराष्ट्रात सातत्याने महिला आणि चिमुकल्यांवरील अत्याचारांच्या घटना समोर येत आहेत. फक्त लैंगिक शोषणच नव्हे तर त्यानंतर मुलींची हत्याही केली जातेय. या घटनांमध्ये वाढ का झालीय? यामागे कोणतं राजकारण आहे का? असा प्रश्न राज ठाकरे यांनी विचारला आहे. तसेच यावेळी बोलताना राज ठाकरेंनी (Raj Thackeray) २०१७ पासून महाराष्ट्रातील महिला आत्याचारांच्या वाढत्या घटनांची आकडेवारीही पत्रकारांसमोर मांडली. तसेच वारंवार महिला अत्याचाराच्या घटना का समोर येत आहेत? असा संशय सुद्धा त्यांनी व्यक्त केला आहे.
“ज्यांनी ज्यांनी महाराष्ट्र बंदची हाक दिली त्यांच्यासाठी आणि आताच्यांसाठीही आहे. महिलांवरील अत्याचारात वाढ होत आहे. मुंबईमध्ये महिला आणि मुलींना सुरक्षित वाटत नाही”, असं ते म्हणाले. यावेळी त्यांनी महाराष्ट्रात महिलांविरोधातील वाढता आलेख सांगितला. “बलात्कार, हुंडाबळी, विनयभंग, लैंगिक अत्याचार, अनैतिक व्यापार आणि इतर अत्याचार वाढले आहेत. २०१७ मध्ये ४३२०, २०१८ मध्ये ४९७४, २०१९ मध्ये ५४१२, २०२० मध्ये ४८४६, २०२१ मध्ये ५९५४, २०२२ मध्ये ७०८४ आणि २०२३ मध्ये ७५२१ एवढ्या बलात्कार प्रकरणांची नोंद पोलीस ठाण्यात आहेत. महाराष्ट्रातील या आकडेवारीनुसार दर तासाला एक गंभीर गुन्हा नोंदवला जातो. नोंद न करता आलेले गुन्हे यापेक्षा जास्त असतील. नॅशनल क्राइम ब्युरोच्या अहवालानुसार उत्तर प्रदेशखालोखाल महाराष्ट्रात महिलांविरोधातील गुन्हे समोर आले आहेत”, असे राज ठाकरे (Raj Thackeray) यांनी म्हटले आहे.
Raj Thackeray यांनी व्यक्त केला संशय?
“आता जे रोज प्रकरण येतायत, ते तासाला यायला पाहिजे ना. महाराष्ट्रात प्रत्येक पोलीस ठाण्यात किती गुन्हे दाखल होतायत आणि मला फक्त एवढंच म्हणायचं आहे की इतके दिवस दाखवले जात नव्हते. बदलापूरचं प्रकरण अत्यंत दुर्दैवी. त्यालै ठेचलंच पाहिजे. याचं कारण, आपल्याकडे कठोर शासन, कठोर कायदा होत नाही.
निर्भया प्रकरणातील आरोपी कळला, कसा बलात्कार झाला हेही कळलं. पण फाशी किती वर्षांनी झाली? एवढा जर उशीर एका केसला लागत असेल तर त्याचं काय करायचं? प्रश्न असा आहे की ज्यांनी आज बंद पुकारला आहे त्यांच्याही काळात असे अत्याचार घडले होते. आणि आजही आहेत. आता जे रोजच्या रोज वर्तमानपत्रात सुरू आहे, आज इथे अत्याचार, उद्या तिथे अत्याचार… त्यामागे राजकारण आहे का? येणाऱ्या निवडणुका आहेत का?” असा संशयही राज ठाकरेंनी (Raj Thackeray) व्यक्त केला आहे.
“आपल्याला विषय संपवायचा आहे. या गोष्टी महाराष्ट्रात होऊ नये, हा विषय आहे. निवडणुका आल्या की सरकारला बदनाम करा, या दृष्टीकोनातून. पण यांच्याही काळात गुन्हे होत होते”, असं म्हणत राज ठाकरेंनी (Raj Thackeray) विरोधकांना टोला लगावला आहे.
Add Comment